Katër presidentë shqiptarë në një foto!

Kryesore E Mërkurë, 21 Qershor 2023 18:16

Nga Afrim Krasniqi

Katër Presidentë!

Foto e parëndësishme në një vend në krizë besimi e përfaqësimi, por që në arkivat e memories shtetërore do vlejë. Sepse është ndër të vetmet ku katër Presidentë takohen e flasin. Shqipëria ka traditë të brishtë shtetërore dhe sidomos demokratike. Kemi pak modele pozitive referuese dhe natyrisht edhe pak shtetar & akte frymëzuese.

Militantët adhurojnë liderin e radhës, por shtetin e së drejtës dhe demokracinë funksionale nuk e ndërtojnë militantët. Ata janë pengesë e progresit sepse refuzojnë mendimin ndryshe, Tjetrin dhe thelbin e pluralizmit.

Ndryshimin e sjellin mendjet e lira, të aftët, vizionarët, reformatorët dhe ata që duan ditë më të mira për vendin sesa kutitë elektorale të radhës.

Ndaj momente e mesazhe të tilla, edhe simbolike, duhet të na sjellin në vemendje rëndësinë e institucioneve dhe të sjelljes shtetërore, etike dhe qytetare në politikë, në shtet dhe në shoqëri, nevojën e sfidën të krijojmë institucione të forta jo liderë të fortë, si dhe faktin se, asnjë emër nuk është i përjetshëm në politikë & shtet, por disa cilësi & trashëgimi pozitive politike & shtetërore mund të kenë jetë shumë më të gjatë sesa mandatet dhe kohët politike të autorëve të tyre.