Kokëdhima prish festën e PS-së në Vlorë. I pranishëm edhe kryeministri

[youtube url=”https://www.youtube.com/watch?v=rIZcNwB0Hoc” width=”560″ height=”315″]

Pasi humbi mandatin e deputetit me vendim të Gjykatës Kushtetuese, Koço Kokëdhima duket se po sulmon edhe Partinë Socialiste. Pasditen e djeshme, në festën e organizuar nga dega vendore e PS në Vlorë, në 25-vjetorin e themelimit të saj, ish-deputeti ka shpërthyer në akuza të rënda për PS-në.
Në këtë ceremoni kanë marrë pjesë deputetë të PS në qarkun e Vlorës, përfshirë edhe kryeministrin Edi Rama, ministrja Mimi Kodheli e ngarkuara e kryesisë për të mbuluar veprimtarinë e PS atje si dhe anëtarë socialistë.

Të gjithë ishin planifikuar të flisnin në festën e organizuar, gjithnjë në funksion të historisë dhe nderimit për kontribuuesit e shumtë, por mbërritja e ish deputetit Kokëdhima në ambientet ku po mblidheshin socialistët, shkaktoi tension të madh, për shkak të insistimit të tij për të marrë fjalën.

Ish-deputeti sulmoi egër Partinë Socialiste, drejtuesit e saj në Tiranë për apatinë e tyre në mbrojtjen e çështjes së mandatit të tij. Kokëdhima foli për padrejtësinë e Gjykatës dhe vendimin e saj për mbarimin e mandatit të tij, por në mënyrë të pabesueshme i shtyu akuzat drejt PS që sipas tij, me pasivitetin e saj nuk e mbrojti por e ndihmoi Gjykatën të merrte këtë vendim.

Ndërkohë, dy ditë më parë, në një status në Facebook, Kokëdhima do të shprehej se reforma në drejtësi duhet të marrë edhe konsensusin e PD. Nisur nga ky qëndrim i Kokëdhimës, segmente pranë PS kanë ngritur dyshime për rolin e ish-deputetit. Janë jo të paktë zërat brenda selisë rozë që vënë në pikëpyetje votën e deputetes Mira Shehu, e cila që prej heqjes së mandatit të Kokëdhimës, nuk ka marrë pjesë në asnjë seancë të Kuvendit.

Duket se shantazhi i Kokëdhimës drejtohet ndaj Edi Ramës, të cilit, jo çdo votë në PS, por çdo votë në Kuvend, i duhet për të kaluar reformën në drejtësi. /shqiptarja/

Keshtu shkruan gazeta e Carlo Bolinos. Por sipas Artur Zhejit duket se heqja e mandatit te Kokedhimes ishte inskenuar prej Fatmir Xhafes, ndonese  akoma nuk ka prononcim nga ana e zotit Xhafa. Ne fakt hera e pare qe PS-ja nuk doli te mbronte nje deputet dhe zyrtarë të lartë te saj. Ne ditet ne vazhdim do te mund te dalin fakte te reja se perse selia roze e braktisti Kokedhimen.