Koço Kokëdhima për mediat Joniane: Të hiqet ligji i luftës nga qeveria greke

Deputeti i Partisë Socialiste, Koço Kokëdhima në një intervistë për televizionin grek Ioannina TV, ka trajtuar disa prej çështjeve më të nxehta midis Shqipërisë dhe Greqisë.

Fillimishit, Kokëdhima foli për ligjin e luftës me Shqipërinë i cili është ende aktiv në legjislacionin grek. Sipas deputetit socialist  kjo normë juridike i pengon shqiptarët që të realizojnë një sërë të drejtash në Greqi.

Kokëdhima: Është e pakuptimë që në Greqi është ende në fuqi një ligj absurd siç është ai i luftës me Shqipërinë. Është një ligj që pengon shumë qytetarë shqiptarë të realizojnë të drejtat e tyre në Greqi.

Duke u ndalur tek marrëveshja e Detit me Greqinë, deputeti Koço Kokëdhima tha se duhet rinegociuar në bazë të praktikës ndërkombëtare.

Kokëdhima: Kjo marrëvesyje duhet të rinegociohet në bazë të prakitkave ndërkombëtare që ekzisotojnë sot.

Për çështjen çame Kokëdhima u shpreh se shteti grek, kërkesat e popullsisë çame duhet ti trajtojë si të drejta dhe jo si pretendime, ndërsa sqaroi se ky ishte një qendrim i tij personal dhe jo i qeverisë shqiptare.

Kokëdhima: Çamët kanë të drejta jo pretendime. Atyre u duhet tu jepet mundësi të mbrojnë këto të drejta në mënyrë tekniko ligjore.

Në mbyllje, deputeti Kokëdhima foli edhe për të drejtat e minoritetit grek në Shqipëri duke thënë se ata janë trajtuar gjithmonë në një mënyrë dinjitoze nga qeveria shqiptare.