Kryeministri i vendosur për turistët e huaj, ata sjellin të ardhura për vendin

Edi Rama mbetet i qartë në lidhjen me turizmin shqiptar si dhe thithjen e sa më shumë turistëve të huaj.

Shqipërisë i duhet të mbajë veten përballë kësaj krize botërore. Një pjesë e rëndësishme e të ardhurave për ekonominë vendase vjen nga turistët e huaj. Valuta që hyn në vend mbetet këtu dhe ndikon në zhvillimin ekonomik.

I pyetur nga gazetarët nëse do t’i ndalojë turistët rusë pas kërkesës së bërë një ditë më parë nga presidenti i Ukrainës Volodymir Zelensky, gjatë fjalës së tij të mbajtur para deputetëve shqiptarë, Rama tha se do të jetë në të njëjtën linjë me BE, dhe aktualisht Bashkimi Europian nuk ka marrë një masë të tillë.

Ai tha se nëse BE do të vendosë ndalimin e shtetasve rusë, atëherë dhe Shqipëria do të jetë në të njëjtën linjë.

Pyetje: A do t‘i ndaloni turistët rusë pas kërkesës së presidentit të Ukrainës?

Rama: “Vendimet tona jenë të linjëzuara me vendimet e BE, për sa kohë nuk ka një vendim të linjëzuar nga BE ne kemi vazhduar të njëjtën rrugë. Nëse do të ketë një vendim të linjëzuar ne do të ndjek të njëjtën rrugë”.

Por pak e besuar se Europa mund të ndalojë vizat për qytetarët rus.