“Kurum” ka bërë krim ndaj njerëzve. Ajo shpërndau reklamë urgjente te mediat kryesore dhe u mbylli gojën me….”

Analisti Enton Abilekaj e cilësoi krim ndaj njerëzve trafikun e kompanisë “Kurum” me mbetjet e dyshuara si toksike. Por ai tha në emisionin “Të Paekspozuarit” në MCN Tv, se pasi shpërtheu skandali kompania shpërndau reklamë urgjente te mediat dhe ato mbyllën gojën, duke nënkuptuar se u blenë me euro.

“Mediat kryesore të vendit, nuk po flas për mediat kombëtare, kanë përballë një skandal, dhe ata që kanë bërë skandalin, që është një krim ndaj njerëzve, shpërndajnë reklamë urgjente te mediat dhe ato mbyllin gojën. Kemi media tregu që japin çfarë interesi privat personal e jo ai shoqeror, publik! Kjo është e përsëritur në disa variante, është edhe kjo që thoni ju, te bananet. Kapen bananet me drogë, por nuk flet njeri se ai ka bërë reklamën me banane dhe mbaron historia aty pastaj se ku shkon droga, kush u hetua, a është në burg ai shoferi i shkretë nuk dihet se u mbyll çështja.

Sot kemi mbetje toksike që dyshohet se kalojnë në të gjithë Shqipërinë derisa shkojnë në Durrës dhe ndoshta edhe importohen për të plotësuar masën për t’u eksportuar jashtë Shqipërisë. Pra një biznes që shkatërron një qytet me ato që nxjerr, me tymrat e papërpunuara dhe me mbetjet toksike ka rrezikuar për një kohë të gjatë se kjo nuk është sot, por është hera e parë që është kapur”- tha Abilekaj.

Në foto: Enton Abilekaj duke folur te “Të PaEkspozuarit”

Ndërsa ka folur për skandalin e mbetjeve të dyshuara si të rrezikshme të cilat tashmë kanë mbërritur në vendin tonë, pasi nuk u pranuan nga Tajlanda.

Xama tha se mediat kanë tentuar ta fshehin skandalin, madje edhe deklaratën e drejtuesit të Aksionit të Bazelit, që tha se është 95% i sigurt se mbetjet janë të Kurum e kishin hequr.

Gazetarja shtoi se ka rrezik që fatura për trajtimin e mbetjeve në një vend të Perëndimit t’i mbetet shtetit shqiptar, nëse në fund e caktojnë se mbetjet nuk janë të Kurum.”Jim Puckett i kërkon Ministrisë së Mjedisit që një përfaqësues i Aksionit të Bazelit të rrijë në Shqipëri kur të hapen kontejnerët dhe të merret mostër për të bërë analiza të pavarura.

Nuk ka patur përgjigje dhe u detyrua të vijë vetë në Shqipëri. Ka thënë që jemi 95% të sigurt që mbetjet janë të Kurum. Kjo ishte prerë edhe nga televizionet. Ishte lënë vetëm pjesë që janë toksike. Pjesë që u konstatua, mbushja e kontejnerëve është bërë jashtë standardeve mjedisore dhe është rrezik për qytetarët e Durrësit.

Më bëri përshtypje që mbetjet do të qëndrojë në Shqipëri dhe duhet të trajtohen në një landfill shumë të kushtueshëm në vendet e Europës Perëndimore. Nëse konstatohet që nuk janë të Kurum, faturën do ta paguajë shteti shqiptar. Një tjetër dyshim, pse anija ka ndaluar në Turqi? Dihet që Kurum është kompani turke. Kishte kërkuar edhe ekspertë të Aksionit të Bazelit për të parë a ishin dëmtuar vulat.

Edhe kjo pjesë ishte prerë nga televizionet”, tha Xama.

Në foto: Ola Xama duke folur te “Të PaEkspozuarit”

Pas këtyr faktëve dhe akuzave akoma Kurum nuk ka reaguar për të dhënë versionin e tyre.