Gazetaret femra VIP shoqërojnë në Milano, kryebashkiakun Erion Veliaj

Kjo fundjavë e ka gjetur një pjesë të mirë të gazetareve shqiptare përtej Adriatikut, si shoqëruese të kryebashkiakut Erion Veliaj.

Ilva Tare, Alba Malltezi, Bieta Sulo, Mira Kazhani e disa emra të tjerë të medias së lirë, udhëtuan për në Itali përkrah kryetarit të Tiranës, të marrin pjesë nga afër në axhendën që ky i fundit, ka planifikuar të zhvillojë me zyrtarë të Milanos shkruan lapsi.

Duke shijuar plotësisht shoqërinë e njëra-tjetrës, përfaqësueset e shtypit tonë nuk i kursyen mbresat e udhëtimit të siguruar nga Veliaj. Gazetarja e Top Channel, Mira Kazhani, u duk e papërmbajtur kur në foton e postuar në IG, teksa e sheh me adhurim kryebashkiakun, zbulon se Erioni ka një ëndërr për të cilën ajo lutet (figura në fund të shkrimit, poshtë fotos).

Në fakt, komplimenta të tillë nuk është e lehtë t’i dëgjosh në ditët e sotme, ndaj angazhimi i kryebashkiakut Veliaj për të çuar deri në Milano zërin e medias së pavarur, duket si një mision të cilin, vajzat e ekranit po e përmbushin pa shumë vështirësi.

/LAPSI.AL/