Lëkundje tërmeti në Tiranë dhe disa qytete

Një tërmet në orën 18.01 u ndje në Tiranë. Instituti përkatës i tërmeteve, IGEO, jep informacion se epiqendra ishte në Dibër, ku aplituda shkoi në 4.1 ballë. Por raportohet se lëkundjet janë ndjerë në disa qytete, ku dy goditje të shpejta u ndjenë në pak sekonda. Tërmeti, sipas specialistëve, nuk ishte me dridhje horizontale, por vertikal, pasi goditjet ishin të shpejta, duke mos lëvizur në mënyrë të dukshme llambat e varura në tavanet e çdo shtëpie.

Tërmeti ka ndodhur në një thellësi prej 13 km, me epiqendër në koordinatat 41.590°N dhe 20.150°E, rreth 40 km në veri-lindje të Tiranës dhe 12 km në lindje të qytetit të Burrelit.