Lulzim Basha me zyrtarin e DASH: Fund kapjes së shtetit, forcim i partneritetit me SHBA

Kryetari i Partisë Demokratike, Lulzim Basha është takuar sot me Drejtorin e ri të Zyrës së Europës Jugore dhe Qendrore në Departamentin e Shtetit, David Kostelancik.

Në përfundim të takimit, Basha bënë me dije se me diplomatin e lartë amerikan ka diskutuar për krizën politike në Shqipëri.

“Diskutim shume i hapur dhe konstruktiv me David Kostelancik, Drejtori i ri i Zyrës së Europës Jugore dhe Qendrore në Departamentin e Shtetit. Në fokus, fund pandëshkueshmërisë së politikanëve, rikthim i Sundimit të Ligjit, dhënie fund kapjes së shtetit dhe korrupsionit dhe forcimi i partneritetit strategjik të Shqipërisë me SHBA”- shkruan Basha në një postim në Twitter.

Më herët Drejtori i ri të Zyrës së Europës Jugore dhe Qendrore në Departamentin e Shtetit zhvilloi takime me kreun e Kuvendit, Gramoz Ruçi dhe kryetaren e LSI-së, Monika Kryemadhi. Pritet që zyrtari i DASH të zhvillojë takime dhe me kryeministrin Edi Rama dhe zyrtarë të tjerë të shtetit.