Basha: Raporti i OSBE nuk flet për zgjedhje, por për krim qeveritar
Pas publikimit të raportit të OSBE/ODIHR, kreu i demokratëve, Lulzim Basha ka dalë në një konferencë për shtyp. Basha shprehet se raporti nuk flet për zgjedhje, por për një ngjarje kriminale dhe krim qeveritar.
“Raporti i OSBE/ODIHR e ka rrëzuar farsën e 30 qershorit në çdo aspekt. Raporti tregon se 30 qershori ishte procesi më problematik dhe më i pandershëm i dy dekadave të fundit. Për herë të parë në historinë e pluralizmit politik, kemi një raport i cili nuk flet thjesht për parregullsi teknike, apo shkelje, por për krime të mirëfillta dhe veprime të qëllimshme antiligjore të të gjithë strukturës elektorale në vend, dhe për një shkatërrim të qëllimshëm të të drejtës së popullit për të zgjedhur”,- tha Basha.
Kreu i PD-së shtoi se “praktikisht ky është një dokument, i cili më shumë se raport zgjedhor ngjan me një raport për një ngjarje kriminale. Ky është raport që realisht përmban prova dhe fakte për të filluar hetime kriminale ndaj një sërë personash dhe institucionesh”.
Sipas kreut të PD, raporti tregon rrëzimin e gjithë parimeve të zgjedhjeve dhe shtetit të së drejtës. “Raporti tregon se në Shqipëri kushtetutë dhe ligj është vullneti personal i Edi Ramës, Raporti tregon se në Shqipëri shteti është vetëm një vegël në shërbim të vullnetit personal të Edi Ramës. Në autokracinë e Edi Ramës shteti është instrument privat i gjithi në shërbimin ekskluziv privat të Edi Ramës: Në shtetin privat të Edi Ramës datën e zgjedhjeve nuk e cakton Presidenti, sikurse ka vendosur Kushtetuta, por Edi Rama. Në shtetin privat të Edi Ramës kushtetueshmërinë e ligjeve nuk e gjykon Gjykata Kushtetuese por Partia Socialiste e Edi Ramës”,- tha Lulzim Basha.
Lexoni edhe…
- OSBE/ODIHR rrëzojnë përfundimisht votimet njëpartiake të 30 qershorit
- OSBE/ ODIHR nxin 30 qershorin e Ramës: KQZ cënoi sigurinë
- ODHIR: Mospublikimi i dekretit të Metës për 13 tetorin është i paligjshëm
- “Kolegji Zgjedhor rrëzoi në mënyrë të paligjshme dekretin e Presidentit”
- Andi Bushati: Raporti i ODHIR, si pasqyrë e rregjimit që po instalohet
- Raporti i OSBE/ODIHR, reagon PD: Kontribut për demokracinë shqiptare
