Majlinda Bregu ngre zërin dhe i kërkon llogari liderit të PD-së, Basha

Në momentin kur duhet që PD-ja të jetë unike dhe e rreptë në raport me mazhorancën kanë filluar kontenstimet ndaj kreut të PD-së. E gjitha kjo shkon për llogari të Edi Ramës. Një PD e përçarë dhe me shumë qëndrime mban me gjatë në pushtet mazhorancën, thonë burime brenda selisë blu.

Gjatë mbledhjes së grupit demokrat është diskutuar aksioni opozitar i së enjtes në parlament.

Opinion ka arritur të zbardhë debatin brenda mbledhjes.Ka qenë Majlinda Bregu ajo që i është drejtuar me një gjuhë të ashpër kryetarit Lulzim Basha, duke i kërkuar të mos iu shmanget pyetjeve.

“Nuk je tek Fevziu apo tek Balla këtu që të më japësh përgjigje televizive”, mësohet se i ka thënë Bregu kreut të PD-së.

Më tej Lulzim Basha ka pyetur deputetët nëse janë për bllokim të parlamentit apo për bojkot total të tij.

Genc Ruli është shprehur se bojkoti duhet menduar sepse nuk ka PD-ja një kauzë kaq të fortë dhe duhet parë më tej si do bëhet rikthimi në Parlament.

Asnjë nga deputetët nuk ka mbështetur idenë e bojkotit, por vetëm bllokim të parlamentit.

Nga ana tjetër, kritika pa pasur edhe Sali Berisha i cili ka thënë se marrëdhëniet mediatike të grupit nuk kanë qenë në nivelin e duhur.

“Ne kemi bërë një betejë parimore për drejtësinë.

Venecia dëshmoi sa i drejte ishte qendirmi ynë, por njerezit janë të paqartë”, mësohet të jetë shprehur Berisha.

Ai ka kërkuar që opozita të përqendrohet tek Byroja e Hetimit dhe Reforma në Drejtësi, pasi Komisioni i Venecias në rekomadimet e fundit i ka dhënë të drejtë PD-së. Në fakt i vetmi që po bën rezistencë dhe mbron PD-në mbetet Sali Berisha. Të tjerët, përveç Topallit, nuk po ndjehen shumë.

A kanë frikë Edi Ramën dhe Byronë Kombëtare të Hetimit?