Mesazhet e Kryeministrit Rama në Selanik

Kryeministri Rama u prit me entuziazëm nga shqiptarët e Selanikut dhe Greqisë.

Mesazhet e kryeministrit ishin:

Së pari, me një fjalim të mirëpërgatitur, Rama bëri një historik të Selanikut dhe marrëdhënieve mes shqiptarëve e grekëve ndër shekuj. Me një stil brilant ai tha se Selaniku është qytet i paqes dhe i kulturës, ku shumë shqiptarë të mëdhenjë kanë dhënë kontributin e tyre për Selanikun. Indirekt u dha përgjigje shovinistëve grekë. Dhe më pas theksoi se “Vorio Epiri është një term i vdekur”.

Së dyti, Kryeministri tha se Shqipëria ka ndryshuar me fakte dhe se duhet të jeni krenar kur të thoni se “jam shqiptar”.

Së treti, u kërkoi që të kthehen në Shqipëri, sidomos në sektorin e turizmit, sepse ka vende pune të mirëpaguara.

Së katërti, tha se reforma në drejtësi po merr majtas dhe djathtas, sepse për herë të parë drejtësia është e pavarur.

Së pesti, Shqipëria brenda vitit 2030 do të jetë anëtare e BE.

Së gjashti, nga diaspora do të kemi deputetë dhe anëtarë qeverie.

Së fundmi, që të realizohen këto premtime duhet të votoni PS në zgjedhjet e ardhshme.