Ministri Gonxhja: Rekord, Shqipëria priti mbi 12 milionë vizitorë të huaj në vitin 2025

Ministri i Turizmit, Kulturës dhe Sportit, Blendi Gonxhja, ka bërë me dije se Shqipëria e ka mbyllur vitin 2025 me një numër rekord vizitorësh të huaj, plot 12 milionë.

“Me mbylljen e vitit 2025, Shqipëria thyen rekordin e një viti më parë, duke kapërcyer shifrën e 12 milionë vizitorëve me pasaportë të huaj!
Një rezultat që konfirmon konsolidimin e vendit si një destinacion turistik gjithëvjetor, me interes të qëndrueshëm përtej sezonit veror dhe me oferta të larmishme në turizëm kulturor, natyror, kulinar, sportiv dhe jo vetëm, duke forcuar pozicionin e saj në hartën ndërkombëtare të turizmit”, ka shkruar Gonxhja në një postim në rrjetet sociale.