Ministrja e Brendshme në Shkodër për situatën. Parashikohen reshje intensive nesër

Benet Beci shkruan nga Shkodra se jemi në terren, së bashku me ministren e Punëve të Brendshme, Albana Koçiu, drejtorin e AKMC Haki Çako dhe prefekten Holta Duda, për të monitoruar nga afër situatën, nivelin e lumenjve dhe të liqenit në territorin e Bashkisë Shkodër.

Parashikimet e motit japin informacion se sonte dhe nesër do kemi reshje intensive në qarkun e Shkodrës dhe Kukësit, pa harruar edhe Lezhën. Edhe në Jug të vendit ka rreziqe, por frika mbetet në qarkun Shkodër, ku janë hidrocentralet e mëdha.