Mischere Kawas, drejtuese e USAID në Shqipëri, takohet me ministrin Arbjan Mazniku

Ministri i Pushtetit Vendor, Arbjan Mazniku, ka postuar foto nga takimi me drejtuesen e USAID në Shqipëri. Duhet theksuar se USAID është prezent në vendin tonë që prej viteve të para të pluralizmit dhe ka kontribuar e ndihmuar në zhvillimin e demokracisë shqiptare.

Pas takimit ministri Mazniku shkruan: “Me Znj. Mischere Kawas, drejtuese e USAID në Shqipëri, për ecurinë e programeve në mbështetje të qeverisjes vendore. Mirënjohës USAID – US Agency for International Development  për rolin e tyre të çmuar në ecurinë mjaft pozitive të projektit për “Mbështetjen e anëtarësimit të Shqipërisë në BE përmes përmirësimit të konkurrueshmërisë” që në fokus ka zhvillimin e mirëqeverisjes në nivel vendor.

Jemi plotësisht të angazhuar për të intensifikuar më tej bashkëpunimin e frytshëm tonin drejt forcimit të kapaciteteve aq të qenësishme lokale në shërbim të çdo qytetari”- përfundon Mazniku.

Në dy vite të qëndrimit të saj në detyrë në krye të USAID, Znj. Mischere Kawas, ka ndihmuar në shumë projekte Shqipërinë.