Nard Ndoka: Topalli pasi ka ngrënë të tjerët në PD, do edhe kokën e kryetarit

Sot ka plasur në PD. Pakënaqësitë e listave dhe të mënyrës se drejtimit të PD kanë sjellë reagimin e ashpër të Jozefina Topallit dhe Arben Imamit. Ata deklaruan hapur se Basha po luan lojën e Edi Ramës dhe se duhet shkarkuar. Bile kanë filluar mbledhjen e firmave të Keshillit Kombëtar. Grupi antiBasha, ku futën edhe Majlinda Bregu, Astrit Patozi, Ridvan Bode, etj janë mbledhur sot dhe kanë biseduar se si të rrëzojnë kryetarin e PD-së, pasi ka tjetërsuar PD në një parti interesash familjare dhe biznesi.  Në darkë ka reaguar vetë Lulzim Basha ku thotë se ka bërë gjenë e duhur dhe se duhen qarkulluar elitat politike. Nuk ka vonuar dhe ka reaguar edhe aleati i Partisë Demokratike në zgjedhjet e 25 qershorit, Nard Ndoka.

“Topalli, Bode e kompani, kanë ngrënë të tjerët në PD, tani kërkojnë të ‘kafshojnë’ kryetarin e tyre!”, shkruan Nard Ndoka në një postim në Facebook.

Përplasja nga sot është bërë publike dhe nuk ndalon kollaj. Por Berisha akoma nuk po flet. Seç fshihet pas heshtjes se tij…