Ndihmat nga BE, Martin Henze: Kujdes, z. Soreca, Europa do ta mbikëqyrë mirë shpërndarjen e fondeve!

Martin Henze, këshilltari Ekonomik i CDU-së, partisë së Angela Merkel, ka reaguar lidhur me njoftimin, që ka bërë ambasadori i BE-së Luigi Soreca në kuadër të solidaritetit të Komisionit Europian për të ndihmuar të prekurit nga tërmeti i 26 nëntorit.

Henze i drejtohet Soreca-s, duke u shprehur se “administrata qeveritare dhe qeveria “Rama” janë ndër ata që dyshohen për korrupsion dhe Europa do ta mbikëqyrë me shumë kujdes procesin e shpërndarjes së fondeve të BE-së.”

“Z. Soreca, Europa dhe shtypi ndërkombëtar tani do ta mbikëqyrin me shumë kujdes procesin e shpërndarjes së fondeve të BE-së, përfshirë angazhimin e ambasadorit të BE-së. Siç e dini, administrata qeveritare dhe qeveria “Rama” janë ndër ata që dyshohen për korrupsion,”- shkruan Henze në një postim në Twitter.

And political Europe,Mr soreca,and the international press,will now look very closely at the process of distributing eu funds in al, including the engagement of the eu ambassador. as you know, the government administration ,government rama are among those suspected of corruption

— Martin Henze (@GSKStrategy) December 13, 2019