Rama rikthen pas 15 vitesh për Kombëtaren pasaportat diplomatike

Sot Kryeministri Edi Rama ka bërë një veprim dinjitoz ku jo vetëm iu dha shpërblim ekipit 1 milion euro, por edhe pasaporta diplomatike. Një gjë e cila rikthehet pas 15 vitesh pasi asokohe pas fitores 2 me 0 kundër Greqisë kryeministri i vitit 2001 Ilir Meta u dha pasaportat diplomatike ekipit të futbollit të Shqipërisë. Meta ishte kryeministri i parë i cili vlerësoi ekipin e futbollit që përfaqëson Kombin. Edhe atëhere fitorja e Shqipërisë ndaj ekipit të fortë të Greqisë solli një entuziazëm të pashoq kudo në botë ku jetojnë shqiptarë.

Ndaj veprimi i sotëm i kryeministrit Rama është një veprim dinjitoz që ngre lart dinjietin e kombit, të emrit shqiptar. Ishim një ekip dhe një tifozëri e shkëlqyer, jemi një popull që e meritojmë vendin në BE dhe kjo që bëri kombëtarja na ka lartësuar para krejt botës. Dhënia e 1 milion eurove nga buxheti i shtetit ekipit të SHQIPONJAVE është një akt admirues, pasi edhe sikur Qeveria të harxhonte 10 milionë apo edhe 100 milionë euro  për reklama në mediat e njohura nuk do të kishte këtë efekt që ka tani pasi ekipi i futbollit u paraqit në Europian.

Edhe tifozëria brilante, e pashoqe, e kulturuar dhe duhet thënë se e meritojmë në BE. Hymë në histori, ndaj tani të presim FATIN, pasi kualifikimi në fazën tjetër varet nga kalkulime të cilat nuk varen nga ne.