Pashket katolike, urime nga Obama e deri tek politikanët shqiptarë
Kryesore E Martë, 20 Prill 2021 14:19
Ambasada amerikane në Tiranë ka uruar besimtarët katolikë shqiptarë për Pashkët duke postuar fotografinë familjare të Presidenti amerikan Barack Obama me këtë mesazh: “Nga familja jonë në familjet tuaja, gëzuar Pashkët!”
Urime, shqiptarëve, iu kanë dërguar sot edhe krerët e shtetit, qeverisë dhe politikës në tërësi.
Presidenti i Republikës, Bujar Nishani, është shprehur: “Me rastin e kremtimit të Festës së Pashkëve, ditës kur mbarë katolikët ripërtërijnë besimin e tyre tek Biri, Ati dhe Fryma e Shenjtë, dëshiroj t’ju uroj të gjithëve mbarësi, paqe dhe lumturi!”
Po keshtu ka uruar edhe kryeministri Rama sot ndersa Ilir Meta ne urimin e tij per nje begati e harmoni me te madhe per shqiptaret.
Kryetari i PD-së, Lulzim Basha, ka uruar nga Katedralja e Shën Kollit në Lezhë: “Gëzuar në vecanti besimtarëve të Lezhës. Dua të falenderoj Monsignor Oktavion për këtë meshë kaq të bukur kaq frymëzuese sot, nga Katedralja e Shënkollit.”
Ish-kryeministri Sali Berisha ka uruar në Facebook duke mos lënë pa kujtuar edhe Imzot Rrok Mirditën: “Sot besimtaret katolikë në Shqipëri dhe mbarë botën kremtojnë Pashkën, ditën e Ringjalljes se Krishtit Mbret!
KOHA JONË SONDAZH
