Petrit Vasili: Marrëveshja Rama-Basha nuk u bë sipas paketës “McAllister”

Kryesore E Diel, 23 Maj 2021 15:37

Kryetari i LSI-së, Petrit Vasili, në emisionin “Të Paekspozuarit” deklaron se detajet e marrëveshjes Rama-Basha i ka mësuar nga mediat. Vasili deklaroi gjithashtu, se marrëveshja ka privuar partitë për të bërë koalicion dhe kjo është anti-kushtetuese.

“Është një privim anti-kushtetues privimi që i ndalon partitë për të mos garuar në koalicion. Kjo marrëveshje ka shumë detaje që duhet të ketë sqarime të mëtejshme, pra duhet shpjeguar pasi ka shumë momente”,- tha Vasili.

Kryetari i LSI-së Petrit Vasili deklaroi se marrëveshja Rama-Basha nuk është sipas paketës “McAllister” por me ndryshime të mëdha.

“Edi Rama kërkoi takim kokë më kokë me Bashën, dhe ne që ishim në tavolinë ishim dakort, me propozimin e ndërkombëtareve. Kjo situatë nuk ka lidhje me 2008, pasi sot ka ndodhur ose është ndërtuar një menu, por jo një Republikë e Re, as kushtetuese apo zgjedhore… Edi Rama nuk ka thënë që do ndryshojmë 6 ministra, por ka thënë do vete kështu siç jam në 18 qershor. Paketa McAllister është prishur, pasi Edi Rama ka bërë një Big MaC”,- u shpreh kreu i LSI.

Po sot, më herët, Kryetari i LSI-së, Petrit Vasili ka reaguar për marrëveshjen mes PS dhe LSI. Në një reagim në Facebook, Vasili vlerëson marrëveshjen dhe komenton paktin e Ramës dhe Bashës për të dhënë edhe Ministrinë e Drejtësisë për opozitën.

Nga ana tjetër, kreu i LSI-së shprehet se 7 ditët që PD-ja fitoi për shtyrjen e zgjedhjeve duhet t’i përdorë për garantimin e standardeve më të larta të zgjedhjeve.

“Jam i kënaqur qe me ne fund u arrit marrëveshja qe luftova deri ne fund. Jam i kënaqur edhe qe opozita do te mare pjese ne zgjedhje. Çlirimi nga detyrimet burokratike me jep gjithë kohen qe t’i dedikohem fushatës per te nxjerre LSI-ne force te pare.

Shpresoj qe në këto 7 dite te çmuara te shtyrjes se zgjedhjeve, opozita do te realizoje objektivat e saj për standarde te larta ne zgjedhje, luftën kundër drogës dhe dekriminalizimin”,- tha Petrit Vasili.

Kreu i LSI-së ka bërë ironi dhe me afatin kohorë në të cilin do të realizohen të gjitha kërkesat e opozitës për zgjedhje me standarde. Shtyrja e zgjedhjeve nga 18 qershori në 25 është vetëm një javë. Brenda kësaj duket se PD-ja e ka të pamundur të që të gjejë zgjidhje për të gjitha kërkesat që ka pasur për dekriminalizmint, blerjen e votës dhe gjithë problemet e tjera të zgjedhjeve në Shqipëri.

Ai shtoi se “marrëveshja për ndarje drejtorish, ishte pazar, këtu u ndanë ndërrmarje, prandaj është marrëveshje e fortë”.

Vasili tha shtoi se “në paketë McAllister ka pasur një përcaktim që monitorimi për policinë do të ishte i plotë, pasi edhe opozita e ka vënë në dukje këtë gjë prej kohësh, kjo që shoh tani në marrëveshje, është një qëndrim jo në intensitetin e duhur për monitorimin ndaj drogës. Këtu ka një rezervë, pasi paketa tregonte përfshirjen e amerikanëve dhe evropianeve. Për mua, marrëveshja ishte kompromis teknik dhe jo politik, paketa impononte një zgjidhje për standartin e zgjedhjeve, për drogën dhe për dekriminalizimin”.

Kreu i LSI-së tha se do të kërkojmë shpjegime se përse u braktis paketa “McAllister”. “ Çdo marrëveshje e rëndësishme politike, do të kishte nevojë edhe për një shpjegim politik, pasi ne e kemi mbështetur paketën McAllister. Duam shpjegime pse u braktis paketa “McAllister” dhe kush ishte garanti i cili mori përsipër të arrihej kjo marrëveshje”.

Rakipi: Z. Vasili, a ju njoftuan për shkarkimin si Ministër?

Vasili: Nuk kam pasur asnjë komunikim deri tani.

LEXONI EDHE: