Policia Bashkiake e Tiranës merr çmimin e madh nga kompania gjermane DEKRA
Pas aparatit qendror të Bashkisë së Tiranës, edhe Policia Bashkiake bëhet policia e parë që merr certifikimin ISO 9001 2015 nga kompania e njohur gjermane DEKRA. Erion Veliaj shkruan për këtë ngjarje: “Jam krenar që e kemi transformuar Policinë Bashkiake në një polici me standarde në shërbim të qytetarëve”.
Çmimin e dha drejtori i përgjithshëm i kompanisë DEKRA. Ai tha se policia bashkiake e Tiranës është e standarteve europiane.
Erion Veliaj në fjalën e tij tha se policia bashkiake është aleate e qytetarëve, natyrisht që jo të gjithë janë të kënaqur me policinë sepse ajo zbaton ligjin, por rëndësi ka që policia bashkiake t’ju sherbejë të gjithëve.
