Policia Rrugore: Heqje patentash dhe të arrestuar nga kontrollet në Tiranë

Policia Rrugore e Tiranës ka shtuar kontrollet në të gjitha akset rrugore. Kjo me qëllim rritjen e parametrave të sigurisë rrugore në kryeqytet.

Sipas raportit të policisë, gjatë javës që lamë pas, janë goditur 2 raste të tentativës për të korruptuar punonjësit e patrullës. Qëllimi ishte shmangia e masave administrative për shkeljet e kryera.

Po ashtu, 4 shtetas janë arrestuar pasi janë kapur duke drejtuar automjetet, nën efektin e drogave. 24 shtetas janë arrestuar për drejtim automjeti, në gjendje të dehur ose pa leje drejtimi. 253 leje drejtimi janë pezulluar, për drejtim mjeti nën efektin e alkoolit, për shpejtësi tej normave të lejuara dhe për shkelje të tjera të Kodit Rrugor. 6 automjete janë bllokuar për mungesë dokumentacioni apo me targa të huaja. Këto makina i kanë kaluar për verifikime të mëtejshme Seksionit kundër Trafiqeve të Paligjshme në DVP Tiranë.