Presidenti i bashkohet Dom Gjergj Metës. I bëjnë jehonë Kardinal Troshanit

Dom Gjergj Meta ka ndarë me ndjeksit e tij në Twitter, një lajm të gëzueshem për Kardinalin Ernest Simone Torshina. At Meta shkruan se: ”Kardinali Ernest Simoni (Troshani) është bërë pjesë e teksteve mësimore në shkollat fillore italiane. Krenar për të”. Jehonës së Dom Gjergj Meta i është bashkuar edhe Presidenti i Shqipërisë, Ilir Meta, i cili ka shpërndarë në Twitter postimin e Dom Gjergj Metës.

Ernest Simoni lindi në Troshan më 9 tetor 1928 në një familje katolike. Në moshën dhjetë vjeçare hyri ne Kolegjin Françeskan, ku qëndroi deri në vitin 1948 kur regjimi komunist i Enver Hoxhës mbylli manastiret gjatë një vale anti-fetare dhe persekutuese. Nga viti 1953 deri 1955 beri shërbimin ushtarak detyruar, pastaj më 7 prill 1956 u shugurua meshtar në moshën 28 vjeçare. Më 24 dhjetor 1963 u arrestua nga forcat autoritare komuniste, sepse kishte celebruar meshë për shpirtin e Presidentit amerikan John Fitzgerald Kennedy. U dënua me vdekje, por ky dënim u ndërrua në burg dhe punë të rëndë për 25 vjet. Ai u lirua pas 18 vitesh.

Që prej viteve 90, ai ushtron shërbesën e tij priftërore në shumë fshatra katolike. Më 21 shator 2014, ai takoi Papa Franceskun gjatë apostolike dhe i dëshmoi vuajtjet dhe torturat e tij nën regjimin komunist. U bë kardinal së bashku me gjashtëmbëdhjetë prelatë të tjerë në 19 nëntor 2016 nga Papa Francesku nën titullin Santa Maria della Scala.

Kardinali Ernest Simoni (Troshani) është bërë pjesë e teksteve mësimore në shkollat fillore italiane.
Krenar për të! pic.twitter.com/z8O60AoPag

— Dom Gjergj Meta (@DomGjergji) May 24, 2019