Presidenti Meta takon ministrin Duncan: Roli i Britanisë, kyç për stabilitetin e Ballkanit

Gjate vizitës së tij në Britaninë e Madhe, Presidenti i Republikës Ilir Meta u prit sot nga Sir Alan Duncan, Ministër për Europën i Britanisë së Madhe.

“Shqipëria beson në angazhimin e dosmosdoshëm të Britanisë së Madhe në rajonin e Ballkanit Perëndimor edhe pas Brexit”, – theksoi Presidenti Meta, “pasi, vendi juaj ka një rol kyç në këto dekada për forcimin e stabilitetit në Ballkan”.

Ministri Duncan dhe Presidenti Meta ndanë qëndrime të njëjta mbi zhvillimet në rajon, progresin historik të Maqedonisë së Veriut si dhe për rëndësinë e dialogut Kosovë-Serbi, që të konkludojë në arritjen e një marrëveshje që do të forcojë stabilitetin dhe të ardhmen europiane të gjithë rajonit.

Ministrin Duncan siguroi Presidentin Meta se Britania e Madhe do vijojë të jetë prezente në Shqipëri dhe në rajon me qëllim të konsolidimit të demokracisë dhe shtetit ligjor.

Duke vlerësuar rëndësinë e forcimit të bashkëpunimit në fushat e sigurisë, të luftës kundër krimit të organizuar dhe sundimit të ligjit, Presidenti Meta theksoi rëndësinë e rritjes së bashkëpunimit ekonomik e tregtar midis dy vendeve në të ardhmen në nivele më të larta.

Ministri Duncan, në një postim në Twitter ka publikuar një foto nga takimit me kreun e shtetit shqiptar. “Kënaqësi të shkëmbeja pikëpamjet mbi Ballkanin Perëndimor me Presidentin e Shqipërisë, Ilir Meta. Marrëdhëniet Shqipëri-Britani janë në formë të shkëlqyeshme”,- shkruan ministri britanik.

Më pas presidenti Meta ka dekoruar Lordin Robertson. Ja se ç’shkruan Meta pas dekorimit:

Emri i Lordit Robertson është gdhendur në kujtesën e përbashkët të të gjithë shqiptarëve, për rolin vendimtar që luajti gjatë një kohe të vështirë e sfiduese për kombin tonë, sidomos në Kosovë, duke ndihmuar në cilësinë e tij si Ministër i Mbrojtjes së Britanisë së Madhe dhe Sekretar i Përgjithshëm i NATO-s, për dhënien fund të gjenocidit e spastrimit etnik të udhëhequr nga Millosheviçi dhe forcimin e paqes e sigurisë në Ballkan.
Në vlerësim e mirënjohje për këtë kontribut të jashtëzakonshëm pata kënaqësinë t’i akordoja mikut të madh të kombit tonë Dekoratën e lartë “Gjergj Kastrioti Skënderbeu