Prokuroria kërkon nga Kajmaku të depozitojë shenjat e gishtave, rrezikon 4 vite burg
Debati mes PD dhe qeverisë për Kajmakun e Vorës njohur sot episode të reja. Kreu i bashkisë së Vorës, Agim Kajmaku nuk ishte i vetëm momentin e arrestimit në Janinë në 13 janarin e vitit 2003 kur tentoi të blejë fidanë me euro të falsifikuara. Me të kanë qenë edhe dy shqiptarë të tjerë, të cilët gjithashtu janë ndaluar nga policia e Janinës.
Sipas dokumentit që publikoi Partia Demokratike të ndaluarit e tjerë shqiptarë janë Roland Miftari 28 vjeç dhe Spiro Taho, 42 vjeç. Siç prokuroria greke në raportin e saj në 2003-shin, Agim Kajmaku është ndaluar me emrin Jorgo Toto, në atë kohë 32 vjeç, sot 48 vjeç.
Sipas të njëjtave burime rezulton se 3 shqiptarët kanë përdorur 97 prerje false 50-euroshe për të blerë fidanë agrumesh në qytetin e Artës. Vlera totale e paguar ishte 12 mijë euro, por nga kjo shumë, 97 prerje 50 euro (4850 euro në total) rezultuan të ishin false.
Pas denoncimeve të PD-së, Departamenti i Dekriminalizimit në Prokurinë e Përgjithëshme nis verifikimet për kryebashkiakun e Vorës, Agim Kajmaku.
Gazetari Muhamed Veliu në edicionin qëndror të lajmeve në Top Channel, raportoi se Departamenti i Dekriminalizimit ka protokolluar të premten e shkuar një kërkesë për dhënien e shenjave të gishtërinjeve nga zoti Kajmaku.
Kjo kërkesë ka mbërritur në bashkinë Vorë paraditen e të hënës.
Ai ka në dispozicion pesë ditë kohë për të shkuar vullnetarisht në Laboratorin e Policisë Shkencore dhe depozituar shenjat e gishtërinjve. Ky veprim merr një rëndësi të posaçme, pasi Agim Kajmaku sipas PD-së, ka ndërruar emrin në Jorgo Toto.
Menjëherë pas kësaj procedure Departamenti i Dekriminalizimit në Prokurinë e Përgjithshme, përmes Ministrisë së Drejtësisë do t’i dërgojë një letër porosi autoriteteve të drejtësisë greke.
Nëse vërtetohen zyrtarisht akuzat e PD-së për fshehje të të dhënave në formularin e dekriminalizimit, Agim Kajmaku rrezikon të dënohet me 4 vite burg
KOHA JONË SONDAZH
