Protestuesit e PD dhe opozitës janë mbledhur para kryeministrisë kundër kryeministrit Edi Rama. Deri tani nuk ka probleme me policinë nga protestuesit. Berisha ndodhet për herë të parë në protestë, pas një viti që ishte në arrest shtëpie.
Fjalën e tij e nisi me përulje dhe falënderim vëllazëror për të gjithë ata që i janë bashkuar opozitës. “Nga hiri u ngritëm si feniksi”, tha Berisha. Ai tha se asgjë nuk e mposht këtë forcë politike, duke theksuar se historia e deshi të rrëzojë dy diktatura.
”Gjithçka u bë që Shqipëria të mbetej pa opozitë. Kryetari i PD-së u vendos në ”arrest shtëpie” me urdhër të Edi Ramës. Ish-presidenti i vendit u zvarrit, u godit në mes të rrugës dhe u filmua duke menduar se do tmerronte opozitën. Me urdhër të Ramës, deputeti Ervin Salianji, martir i gjallë i fjalës së lirë, u burgos se u përball dhëmbë për dhëmbë me kalnin mafioz të Shqipërisë, Ballkanit, Rama-Xhafa”,-tha Berisha.
Nga ana tjetër, Berisha tregoi edhe pjesë të programit që do të prezantojë PD për zgjedhjet e 11 majit. ”Pas zgjedhjeve do ta paketojmë Ramën tek McGonigal, të bëjë dënimin pastaj të kthehet. Miqtë e mi, ku nuk është një miting elektoral. Por ne duhet të ndihemi krenar me programin tonë. Edi Ramën e ka tmerruar programi ynë. E ka shfazuar programi ynë. Ne në programin tonë kemi shembur piramidën e tij të mashtrimeve, kemi faktuar vjedhjet që i janë bërë shqiptarëve. Rama i pashpirtë, i la pensionistët në gjendjen më të mjerë”.
