PSD-ja e Tom Doshit synon të marrë 7 deputetë në zgjedhje

PSD është rritur dhe forcuar qëkur Tom Doshi, dikur ish-deputet i PS-së, mori drejtimin e kësaj force politike e cila me parë kishte si drejtues legjendar Skëndër Gjinushin, sot kryetar i Akademisë së Shkencave.

Në zgjedhjet e fundit parlamentare të vitit 2021, Tom Doshi mori tre deputetë, dy në Shkodër dhe një në Tiranë.

Në këto muaj, kur edhe KQZ-ja ka kaluar PSD si forcë opozitare dhe do të ketë të drejtën e një komisioneri, pra indirekt mazhoranca merr shumicën e komisionerëve kudo në Shqipëri, atëhere kjo forcë politike do të jetë vendimmarrëse në politikën shqiptare.

Kryeministri Rama po lufton të marrë 84 mandate deputetësh, ndërkohë me PSD e cila synon të marrë shtatë deputetë me 11 maj, arrijnë të dyja partitë afër numrin magjik prej 94 deputetësh, numër kushtetues ku mund të ndryshojnë edhe Kushtetutën pa patur nevojën e PD dhe Berishës, natyrisht duke luajtur edhe PDIU e Shpëtim Idrizit për tre deputetë.

Pra 84 PS+ 7 PSD+ 3 PDIU-= 94 deputetë.

PSD po punon pa zhurmë mediatike, po takojnë njerëz dhe struktura, duke patur objektiv për tre deputetë në qarkun e Shkodrës, një deputet në qarkun Lezhë, dy në qarkun Tiranë dhe një në qarkun e Vlorës.

Pra pas zgjedhjeve, nëse ndodh kjo skemë, do të jetë Tom Doshi që do të vendosë për Kushtetutën dhe shumë ligje.