Pse nuk u përmend “QEVERIA TEKNIKE”?!

Në protestë u tha gjithçka, por vetëm një togfjalësh nuk u përmend nga askush, e natyrisht as nga Sali Berisha.

Qeveria Teknike!

Pse u harrua kushti që bërtisnin papushim nga PD? Pse nuk përmendët më?

Pse u gënjyen demokratët me iluzione para disa muajve se “nuk shkojmë në zgjedhje me kryeministër Edi Ramën”?

Me pak fjalë premtohet, por nuk mbahet premtimi!

Ndaj edhe premtimet e tjera vihen në dyshim serioz nëse do mbahen.

E mbajnë mend mirë demokratët që Berisha dhe drejtuesit e tjerë të PD kur deklaronin se pa qeveri teknike, Edi Rama na i vjedhë zgjedhjet. 

Po tani që nuk ka Qeveri Teknike a janë zgjedhjet e humbura për opozitën?!

Nëse e kishin seriozisht në Selinë BLU kërkesën për QEVERI TEKNIKE, do tu bënin thirrje demokratëve të rrinin ditë-natë para kryeministrisë, por duket si përherë premtime që thuhen dhe nuk realizohen.