Një video e kryeministrit Edi Rama në samitin e Komunitetit Politik Evropian, është kthyer në virale në brenda pak minutave, duke shkaktuar humor.
Rama dëgjohet duke i thënë presidentit të Francës, Emanuel Macron, që të kërkojë falje se pse nuk e ka uruar Shqipërinë dhe Azerbajxhanin që e kishin nënshkruar tashmë paqen.
Komenti me humor i Ramës vjen pasi Presidenti i Shteteve të Bashkuara të Amerikës, Donald Trump, ka ngatërruar disa herë Armeninë me Shqipërinë. Trump disa herë ka thënë “Albania”, në vend të “Armenia”, teksa daklaronte se i kishte dhënë fund konfliktit mes kësaj të fundit dhe Azerbajxhanit.
Rama: Duhet të kërkosh falje!
Macron: Pse?
Rama: Sepse nuk na përgëzuat kur arritëm marrëveshjen e paqes midis dy vendeve. Dhe Presidenti Trump punoi shumë për këtë marrëveshje!
Macron: Më vjen keq pra!
Rama: Ai punoi shumë, punoi shumë. Kishim 500 vjet në konflikt!
Albanian PM Rama to Macron:
You should congratulate Ilham Aliyev and me.
Trump has ended the conflict between us. https://t.co/6GhybUMMRe pic.twitter.com/lpjObSNFFt
— Clash Report (@clashreport) October 2, 2025