Rama dhe delegacioni mbërrijnë në Konferencën Ndërqeveritare: Bashkimi është i vërtetë, Shqipëria gati për të qenë anëtare

Delegacioni shqiptar, i kryesuar nga kryeministri Edi Rama është në Bruksel për Konferencën Ndërqeveritare ku për mediat, ai theksoi rëndësinë e këtij momenti për Shqipërinë.

“Është moment shumë i rëndësishëm në rrugën tonë drejt anëtarësimit dhe një moment për të cilin kemi punuar fort prej një kohe të gjatë dhe ku gjysma e punës për hapjen e negociatave do të mbyllet dhe gjysma tjetër për mbylljen do të hapet”, tha Rama.

Nga ana tjetër Rama u pritur nga kryeministri i Mbretërisë së Belgjikës, Bart De Wever.

Rama ndodhet në Bruksel sëbashku me një ekip negociator, pasi do të marrë pjesë në Konferencën e 8-të Ndërqeveritare mes Shqipërisë dhe BE, për procesin e negociatave të anëtarësimit.

Konferenca e 8-të konsiderohet një moment i rëndësishëm në fazën aktuale të negociatave, pasi fokusohet në përmbylljen e kushteve të ndërmjetme që përcaktojnë ritmin e mëtejshëm të procesit të integrimit evropian të Shqipërisë.