Rama : Dhe tani le të vijë “krimineli” Roshi që drejton Bashkinë e Kavajës

Pas vizites se John Kerry opozita ka paraqitur disa fakte, sipas saj, se Edi Rama po sfidon sekretarin amerikan te shtetit duke u vene perkrah krimineleve. Kryeministri ironizoi PD-ne sot nga Kavaja përmes një batute me kryebashkiakun Elvis Roshi.

Gjatë një takimi në Kavajë, teksa ftoi kryebashkiakun Roshi të merrte fjalën, Rama tha: “Dhe tani le të vijë “krimineli” që drejton Bashkinë e Kavajës”.“Sa emra ke ti?”, iu drejtua më pas Rama kryebashkiakut, duke ironizuar kështu akuzat e Partisë Demokratike ndaj Roshit. Elvis Roshi është akuzuar nga opozita për të shkuarën e tij kriminale gjatë kohës kur ishte emigrant në Itali. Shpesh në media janë publikuar dokumente që ai kishte ndryshuar emrin apo edhe vendime të gjykatave për denimin e tij.

Por kryeministri duket i vendosur te dale perkrah tij pasi duket se ka dokumenta se ai nuk ka asnje denim apo akuze ndaj Elvis Roshit.