Me anë të një videomesazhi në X, Rama sfidon Melonin, duke i thënë se tashmë ka një tjetër rekord për të thyer, atë të tijin, duke pasur parasysh se kreu i qeverisë shqiptare ndodhet në pushtet prej 13 vitesh.
Mes batutave, Rama i drejtohet kryeministres italiane, duke i thënë se ke krijuar një deficit të madh demokratik në Itali, duke i nxjerrë burrat jashtë nga lufta për pushtet.
“Ke hequr qafe burrat nga përballja për pushtetin, dhe tani është shndërruar një përballje ekskluzive midis femrave. Çfarë them e dashur Georgia, tani është një tjetër rekord për t’u thyer, rekordin tim”, shprehet Rama.
Me tone humori, Rama i kujton Melonit ndryshimet e shpeshta të qeverive italiane dhe duke e krahasuar situatën me ndryshimet e trajnerëve te Milani.
Në fund kreu i qeverisë shqiptare e mbyll mesazhin e tij me një urim për Italinë dhe gratë e të dy vendeve. “Rroftë Italia, rrofshin gratë, italiane dhe shqiptare”, shprehet Rama.
<blockquote class=”twitter-tweet”><p lang=”it” dir=”ltr”>Un onore essere amici e alleati🇦🇱❤️🇮🇹 <a href=”https://t.co/CjrinMhCuy”>pic.twitter.com/CjrinMhCuy</a></p>— Edi Rama (@ediramaal) <a href=”https://x.com/ediramaal/status/2095769833988133180?ref_src=twsrc%5Etfw”>September 4, 2026</a></blockquote> <script async src=”https://platform.x.com/widgets.js” charset=”utf-8″></script>
Videomesazhi i plotë i Ramës drejtuar Giorgia Meloni
Georgia po lexoj që nga sot je në krye të qeverisë me jetë gjatë në historinë e republikës së Italisë.
Me të vërtetë? Unë isha mësuar keq duke ndërruar interlokutorin në Romë, me ritmin e ndërrimeve të trajnerëve të Milanit.
Shiko sa e çuditshme është demokracia në Itali, nuk duket aspak në rrezik, duke marrë parasysh të gjitha ato që ne të majtët kishim parashikuar kur ti more detyrën në Pallatin Chigi, me pantallona të zeza.
Edhe Ursula ishte shqetësuar jo pak atëherë, por sot ajo do të jetë e lumtur për këtë rekord të ri që ke vendosur sepse në vend që të marshojë në trupin e Europës siç kishim frikë, ti e përqafove Evropën, madje e ndihmove që të kuptonin më mirë disa çështje për sigurinë, emigrimin ilegal, por edhe duhet ta themi të gjithë, qëkur ke ardhur ti, ka një deficit të madh demokratik në Itali. Ke hequr qafe burrat nga përballja për pushtetin, dhe tani është shndërruar një përballje ekskluzive midis femrave. Çfarë them e dashur Georgia, tani është një tjetër rekord për t’u thyer, rekordin tim.
E të mos thonë që Italia nuk është në Ballkan sepse ne jemi pas Gjermanisë ku një zonjë e nderuar ka qeverisur akoma më gjatë se unë.
Rroftë Italia, rrofshin femrat, italiane dhe shqiptare.