Kryeministri Rama: Kundërshtarë të reformave nuk kemi vetëm në PD

Kryeministri Edi Rama tha sot në një takim me degën e Partisë Socialiste në Kavajë se qeveria e PS po ndërton shtet dhe nuk do të ndalen në realizimin e reformave.

Në fjalën e tij, Rama tha se kundër reformave nuk është vetëm Partia Demokratike, por edhe të tjerë që u janë prishur interesat. “Kundër reformave nuk janë vetëm ata që duken përditë, por edhe të tjerë që u janë prishur interesat. Të tjerë që flasin në mënyrë të ndryshme, por që kërkojnë që të lënë vendin siç ka qenë”,- tha kreu i qeverisë.

Ai cilësoi si dy ministrat më të suksesshëm Saimir Tahirin dhe Ilir Beqaj. Sipas tij, këta dy ministra sulmohen se kanë prishur interesa të mafies, por edhe të tregut të ilaçeve.