Rama pritet nga Kryeministri Benjamin Netanyahu në Izrael (FOTO)

Kryeministri Edi Rama është pritur në Izrael nga homologu Benjamin Netanyahu.  Rama do të pritet me ceremoni të posaçme shtetërore në Kuvendin e Izraelit, të cilit do t’i drejtohet me një fjalim historik, sipas protokollit që Kneseti i ka rezervuar një numri të kufizuar lideresh, përfshirë presidentin amerikan Donald Trump. Përvec Ramës, në seancë do të flasë dhe kryetari i Knessetit, Amir Ohana, Kryeministri i Izraelit, Benjamin Netanyahu, lideri i opozitës, Yair Lapid.

Vizita e Ramës në Izrael do të mbyllet të martën, më 27 janar, me një fjalë në Konferencën Ndërkombëtare për Luftën kundër Antisemitizmit.

Vizita bëhet në ditën e Shoas, ose të kujtesës për 6 milionë hebrenjtë e zhdukur nga nazistët ne luftën e dytë botërore. Kjo vizitë e Ramës vjen pak ditë pasi Kuvendi I dha dritën jeshile Aderimit të Shqipërisë në Bordin e Paqës.