Reagimi i dytë nga grupi i PD për Bashën: Duhet të dorëhiqesh. Po shkel statutin

Kryesore E Hënë, 31 Maj 2021 00:29

Një tjetër deklaratë e fortë ka ardhur nga grupi i demokratëve, që pak më parë kërkuan po përmes një deklarate, dorëheqjen e Lulzim Bashës, pas humbjes së turpshme të Partisë Demokratike në zgjedhje.

Disa anëtarë të kryesisë së PD dhe një grup i Këshillit Kombëtar kanë ardhur me një tjetër deklaratë, pas qëndrimit zyrtar të Bashës, i cili tha nuk do të japë dorëheqjen, por do rikandidojë për kryetar të PD.

Grupit i PD, emrat e të cilëve po i sjellim të plotë më poshtë, kanë konstatuar se shkeljet e Statutit të PD nga ana e Bashës vazhdojnë. Sipas tyre, vendimi i Bashës për të mos dhënë dorëheqjen nuk reflekton përgjegjësinë e tij për humbjen e thellë të PD.

“Pasi u njohëm me qëndrimin e Zotit Lulzim Basha, konstatojmë se shkeljet e Statutit nga ana e tij vazhdojnë:

1. Vendimi i marrë prej tij për vetëngrirje të funksioneve të Kryetarit është në kundërshtim me Statutin e PDSH.
2. Vendimi për delegimin e kompetencave është po kështu antiStatutor.
Deklarata për të qëndruar dëshmon që nuk reflekton për përgjegjësinë e tij për humbjen e thellë të PD. Demokratët nuk do t’ju lejojnë!”, thuhet në reagimi i këtij grupi.