Rudina Hajdari, kryeministrit: Ju e shëmbet Teatrin Kombëtar si qeveri kriminale kur kishte edhe artistë brenda!

Sot në parlament deputetja Rudina Hajdari foli në interperlancë kundër kryeministrit Rama për shembjen e Godinës së Teatrit Kombëtar. Deputetja Hajdari akuzoi se ishte një krim akti i policisë së shtetit drejtuar nga kryeministri kur e shemben natën si kriminelë Teatrin Kombëtar, aq me tepër kur kishte njerëz brenda e artistë.

Më tej ajo akuzoi kryeministrin se e ka betonizuar Tiranën në shërbim të interesave të oligarkëve dhe ka zhdukur historinë e vjetër të kryeqytetit. Rudina Hajdari tha se kjo është një qeveri e lidhur me krimin dhe se e shkatërroi godinën e vjetër për interesa të disa biznesmenëve. Ajo përmendi se që në vitin 2000 Godina e Teatrit Kombëtar ka qenë e mbrojtur me VKM të kryeministrit të kohës, Meta. Ndaj pse e shkelët Godinën?

Rudina Hajdari akuzoi se kryeministri kishte dhe ka interesa financiare për tokën e teatrit.

Më pas kryeministri Rama foli duke cituar se çfarë kanë thënë disa prejt aktorëve të ishin pro shembjes së Godinës së Teatrit.