Shikoni çfarë bukurie mahnitëse në rrugën turistike për në Vermosh

Vermoshi është “çengeli” ku varet harta e Shqipërisë, një zonë brilante malore, me ajër të freskët dhe me një bollek mikpritje malësore të atyre anëve të Kelmendit, të famshëm në histori. Tashmë edhe me ndryshime të mëdha në infrastrukturë, falë investimeve të mëdha të bërë në dy vitet e fundit. Tonin Marinaj kryetari i Bashkisë së Malësisë së Madhe, bashki e cila ka nën administrim edhe zonën e Vermoshit dhe Kelmendin, thotë se falë dashamirësisë se Edi Ramës po bëjmë shumë investime në Bashki e në zonën për në pikën turistike të Vermoshit. Po vijnë qindra e qindra turistë ndaj po marrim masa për mijëra të cilët mbushin zonën turistike malore në muajt e verës.

Kulmi, thotë Tonin Marinaj, kryetari energjik i bashkisë, do të jetë muajin gusht, kohë kur lendinat mbushen sa nuk ke ku hedh as mollën.Po ndryshojmë konceptin e turizmit, në sensin e promovimit të bukurive të zonës. Por turizëm pa rrugë, thotë Marinaj, nuk ka ndaj kryeministri Rama i dha shumë prioritet zonës turistike duke akorduar projekte e fonde për infrastrukturën. Eshtë një perlë Vermoshi, ku nuk duhet humbur rasti ta vizitosh. Ka plot biznesmenë e qytetarë të cilët po turren, tani që rruga u shtrua, për të blerë shtëpi e bujtina në Vermosh e krejt zonën tonë- përfundon Tonin Marinaj.

Rruga turistike e Vermoshit e transformuar rrënjësisht për udhëtarët shqiptarë e të huaj që, falë Programit Kombëtar të Rilindjes Urbane, do të përfitojnë kënaqësinë e posaçme të mrekullisë natyrore, në kushte tërësisht të reja për turizmin malor, shkruan Rama sot në Facebook.