Shqipëria do të strehojë edhe 2 mijë muxhahedinë . Shkon 3 mijë numri total

Edhe pse nuk u fol publikisht për çështjen e muxhahedinëve, duket se kjo temë nuk ka mbetur jashtë bisedimeve mes John Kerry-t dhe Edi Rames.

Zëri i Amerikës, raporton se Sekretari i Shtetit gjatë vizitës në Tiranë, ka falenderuar Shqipërinë për strehimin e muxhahedinëve.

“Gjate dy viteve të fundit, Shqipëria ka strehuar rreth 1000 muxhahedinë si dhe ka rënë dakord për të strehuar dhe 2000 të tjerë”, ka thënë për Zërin e Amerikës një zyrtar i lartë i Departamentit Amerikan të Shtetit, transmeton tch.

Më tej, ai shton se gjatë vizitës të së dielës është rënë dakord që Sekretari Kerry të mos flasë në publik për zhvendosjen e tyre, pasi kjo temë është ende shumë sensitive. Ndaj erdhi ne Tirane. Foli, buzeqeshi, dha porosi per drejtesine dhe mori premtimin per muxhahedinët.

Në fund, Zëri Amerikës, raportin se Shtetet e Bashkuara kanë ndihmuar Shqipërinë me asistencë teknike dhe monetare, nëpërmjet Kombeve të Bashkuara, për të rritur kapacitetet për strehimin e tyre.Ndërkaq, pas përfundimit të takimeve në Tiranë, Departamenti Amerikan i Shtetit në profilin e tij në “Facebook”, i ka kushtuar një rëndësi jo të vogël, vizitës së Sekretarit Kerry në Shqipëri.

Kanë qenë tre postime me përshkrimet përkatëse, të cilat kanë shërbyer dhe si një përmbledhje e të gjithë takimeve dhe mesazheve të dhëna nga Sekretari John Kerry gjatë qëndrimit në Tiranë.

Takimi me Presidentin Nishani në aeroport, deklarata e përbashkët me Kryeministrin Rama, e në fund një album fotografish të çdo etape të qëndrimit të Sekretarit Kerry në Tiranë, shoqëruar me thënien e tij se “Shqipëria mund të mbështetet plotësisht në miqësinë dhe përkrahjen e qytetarëve dhe qeverisë së Shteteve të Bashkuara të Amerikës”.

John Kerry iku i qetë se Shqiperia po bën hapa përpara, dhe pas tij po vijnë muxhehedinë iranianë. Duhet lavderuar kryeministri Rama qe i pranoi edhe 2 mijë muxhahedinë të tjerë si dhe priten edhe 5 mijë muxhahedinë deri në fund të vitit.

Shqiptarët janë popull mikpritës e paqedashës ndaj i presin muxhahedinët. Edhe sikur vetë të mos kenë bukë për të ngrënë përsëri mikun e presin krahëhapur. Prandaj kryesore për qeverisjen e Ramës mbetet fakti se duhet të mbajë fjalën e dhënë John Kerry në Tiranë si dhe të tregojmë mikpritjen tonë kundrejt edhe 2 mijë muxhahedinëve të cilët u ra dakort dje të vijnë në Shqiperi. Edhe bashkia e Tiranës po mendon seriozisht se si ti presë edhe 2 mijë të tjerë për të cilët po shikohet mundësia të strehohen në banesat sociale që ndërton bashkia për të pastrehët.