“Vulosja” e titullit kampion për këtë sezon ishte lënë për në ndeshjen e fundit për shkak të diferencës së ngushtë me 2 pikë mes Skënderbeut dhe Partizanit të vendit të dytë.

Ky titull për korçarët është edhe një rekord më vete për trajnerin Mirel Josa, i cili e ka titullin e pestë radhazi në karrierën e tij. Me nisjes e sezonit të ri pritet që Skënderbeu të luajë edhe në kupat e Europës.

Vërshëllima e fundit të gjyqtarit Enea Jorgji në stadiumin “Flamurtari” të Vlorës bëri që të shpërthejë festa në kampin korçar. Futbollistët dhe tifozët festuan marrjen e trofeut të 7-të në historinë e klubit dhe të gjashtit në rradhë.

I pari që u fut në fushë ishte trajneri Mirel Josa, i cili takoi futbollistët një e nga një.

Ate  kanë ngritur trajnerin peshë duke e hedhur në ajër.

Të gjithë lojtarët kanë përshëndetur edhe tifozëve korcarë që kishin shkuar në stadium.

Në fushë zbriti edhe presidenti i Skënderbeut, Ardian Takaj që iu është bashkuar futbollistëve dhe festës së tifozëve.

Edhe ai eshte ngritur peshe nga lojtaret.

Festa e vërtetë e Korçës bëhet të enjten në stadiumin e Korçës në orën 20:00.