Dy prokuroret e SPAK, Anita Jella dhe Enkeleida Millonai, hetime intensive për skandalin e “Bankers”. Hetohen zyrtarë e ish-zyrtarë të lartë, deputetë e ish-ministra….

Priten arrestime të reja nga dy Prokuroret e Posaçme. SPAK nis hetime te Tatimet dhe Doganat, dyshohet se kanë lejuar për vite abuzimet me TVSH dhe detyrimet fiskale kompaninë “Bankers”.

Burime të rezervuara tregojnë se po hetohen ish-drejtorë të Përgjithshëm, ish-ministra e zyrtarë të PD e të PS, të cilët kanë lejuar skandalin e “Bankers”.

Pas arrestimeve të para të ekzekutuara nga Prokuroria e Fierit, çështja është zgjeruar ndjeshëm duke përfshirë hetime më të thelluara mbi zinxhirin e përgjegjësive brenda administratës tatimore dhe zyrtarëve që dyshohet se kanë lejuar për vite abuzimet me TVSH-në dhe detyrimet e tjera fiskale.

Prokuroria e Posaçme Kundër Korrupsionit dhe Krimit të Organizuar po heton veprimet e organeve tatimore që ndër vite nuk kanë kontrolluar apo kanë lejuar shkeljet e kryera nga kompania Bankers. Dyshohet se janë qindra milionë euro që kanë avulluar.

Dy prokuroret e SPAK, Anita Jella dhe Enkeleida Millonai kanë vënë në sitën e hetimit edhe veprimet e organeve tatimore që ndër vite kanë lejuar abuzimet me TVSH dhe detyrimet fiskale.

Mësohet po hetohen vepra të ndryshme penale, përfshirë:

• Krijimin e skemave mashtruese lidhur me tatimin mbi vlerën e shtuar
• Fshehjen e të ardhurave
• Pastrimin e produkteve të veprës penale ose veprimtarisë kriminale
• Shpërdorimin e detyrës
• Moskryerjen e detyrave nga organet tatimore
• Korrupsionin pasiv të zyrtarëve të lartë shtetërorë dhe të zgjedhurve vendorë
• Veprimtari kriminale nga grupi i strukturuar kriminal

Hetimet përfshijnë edhe veprimet e doganave, zyrave të konsulencave dhe strukturave të financave, pasi dyshohet se zyrtarët e këtyre institucioneve kanë lejuar skemat mashtruese të Bankers, ku kompania dilte me humbje fikse për të shmangur pagesën e taksave dhe përfitonte miliona euro.

Dy prokuroret Anita Jella dhe Enkeleida Millonai po punojnë me intensitet duke mbledhur fakte pasi fijet e korrupsionit shkojnë lart.