Braho: Loja me dekretet e ministrave mbaron nesër. Nishani ti firmosë

Kryetari i Komisionit për Sigurinë Kombëtare dhe deputeti i LSI, Spartak Braho ka komentuar sot mosvotimin e dekreteve të ministriave. Në një prononcim për mediat Braho tha se Gjykata Kushtetuese i ka dhënë zgjidhje kësaj situate me një vendim të vitit 2002.

Nga ana tjetër, Braho ka folur dhe për deklaratën e Ministres Ermonela Felaj për nisjen e procedurës për shkarkimin e kreut të shtetit. Sipas tij kjo “është një retorikë juridiko-politike që nuk i vlen kësaj situate”.

Braho, tashmë që kanë kaluar në Gjykatën Kushtetuese, çfarëdo të ndodhë me dekretet, duhet të pezullohen apo të kalojnë në seancë për votim?

Nuk e di nëse kanë kaluar në Gjykatë Kushtetuese. Dje prononcimi i Gjykatës Kushtetuese ka qenë që nuk kanë ardhur akoma, por kjo nuk ka të bëjë fare me angazhimin e Gjykatës Kushtetuese.

Realisht ky vendim është interpretuar në vitin 2002, ajo që presim e që është pjesë e një loje politike dhe që duket si lojë shahu, ashtu si edhe në shah ka një kohë të caktuar dhe koha mbaron nesër. Që do të thotë, nesër Presidenti i Republikës është i detyruar të dekretojë, nëse do të ketë veprime të tjera, thashë është pjesë e lojës politike dhe aspak të mbështetura në Kushtetutë dhe në ligj.

Nëse nuk vijnë dekretet nesër nga Presidenti i Republikës për emërimin e dy ministrave, çfarë mund të ndodhë?

Unë mendoj që nuk do të ketë lëvizje të tjera të Presidentit, mendoj që duhet t’i sjellë…

Braho, a jeni dakord me atë çfarë ka propozuar znj. Ermonela Felaj, se në rast se nuk respektohet Kushtetuta duhet të ndërmerret nisma për shkarkimi i Presidenti të republikës?

Është një retorikë juridiko-politike që nuk i vlen kësaj situate.