Spartak Ngjela: Saimir Tahiri, “çelësi” i kasafortës së kryeministrit Rama

Avokat Spartak Ngjela u shpreh posaçërisht për një media të re folshqip.al se nuk ka asnjë diskutim se Saimir Tahiri është “çelësi” i kasafortës së parave të kryeministrit Rama. Pra Ngjela i fut në një grup korruptiv dhe kriminal Edi Ramën dhe Saimir Tahirin. Ndaj, shton Ngjela, se kryeministri po bën presion prokurorisë për të mbrojtur ish-ministrin e brendshëm, sepse ka frikë se mos i ikën “çelësi” në burg dhe ia marrin të tjerët “çelësin” dhe eurot e kasafortës së fshehur.

Avokati vazhdon për folshqip.al se nuk kanë shpëtim as Saimir Tahiri, as Edi Rama dhe Sali Berisha nga ndëshkimi i drejtësisë, i cili do jetë i tmerrshëm deri në mars të vitit tjetër.

Amerikanët i dinë të gjitha dhe nuk falin, sidomos kur shikojnë se kryeministri ka devijuar nga linja amerikane dhe europiane, ka thënë avokati sot për median e sipërpërmendur.

Burgu është për këta të tre, përfundon Spartak Ngjela, duke insistuar se do dalin fakte shkatëruese për këtë mazhorancë.