Sulmet e PS dhe PD/ Ilir Meta sot në ora 19: 00, fjalim të fortë në Shkodër

Kreu i Kuvendit, Ilir Meta do të jetë sot në Shkodër për prezantimin e kandidatëve të LSI-së në këtë qark. Ditët e fundit Partia Socialiste dhe Partia Demokratike kanë intensifikuar sulmet ndaj LSI-së. PS dhe PD, në një pakt të fshehtë kanë nisur sulmet politike, por edhe duke përdorur në mënyrë abuzive disa institucione për të goditur kandidatët e LSI-së, si dhe anëtarët dhe simpatizantët e saj.

Kreu i Kuvendit dhe ish-kreu i LSI-së pritet të mbajë sot në Shkodër një qëndrim të fortë lidhur me zhvillimet e ditëve të fundit.

Këtë javë Zv/kryetarë dhe Nënkryetarë të LSI-së kanë bërë deklarata të ashpra ku kanë denoncuar paktin Rama-Basha, si një pazar që po minon institucionet e vendit dhe po ushtron shantazh ndaj qytetarëve dhe zyrtarëve të shtetit. Gjithashtu kanë kërkuar reflektimin e dy partive të mëdha që të mos shkelin ligjet dhe Kushtetutën.

Ndërkohë që sulmi ndaj LSI-së ka vijuar edhe sot nga PS dhe PD. Për këtë qëllim, Meta ka vendosur tu përgjigjet personalisht dyshes, Rama -Basha që në unision po sulmojnë LSI.

Si në asnjë fushatë tjetër më parë, dy forcat politike nuk flasin më për programe, projekte, taksa, ekonomi, investime. Fjalimet e Ramës dhe Bashës nisin me humor dhe batuta për njeri-tjetrin dhe përfundojnë me sulme ndaj LSI-së.

Kjo strategji fushate e PS dhe PS, realisht tregon se rritja e kësaj force politike është kthyer në problemin numër një për Ramën dhe Bashën. Ndryshe nuk ka si kuptohet që Kryeministri ka harruar të bëjë bilancin e katër viteve dhe ka harruar se në fushatë duhen bërë premtime, se ndryshe përse i duhet një mandat tjetër.

Ndërsa Basha duket se ka ngatërruar kundërshtarë. Në zgjedhje PD si opozitë ka pasur gjithmonë një qëllim, të konkurronte me PS-së. Por këtë herë Basha ka sheh si rival jo PS-së, por LSI-në.