Talenti Sokol Paja, Editori i ri i gazetës “Dielli “ në SHBA

Prej pak ditëve gazetari dhe intelektuali nga Shqipëria, Sokol Paja, është bërë editori i gazetës “Dielli” në SHBA.

Miqtë e tij shkruajnë se “Një kapitull i ri, i cili duhet të ndjekë udhën e “bukurshkimit shqip” , që pishtarët e mëdhenj të dijes dhe nderit të Kombit tonë e nisën dhe qëndisën ndër vite”.

 Kush është Sokol Paja?

Sokol Paja është formuar në Kolegjin Jezuit At Pjetër Meshkalla në Shkodër. Ka studiuar për Gazetari-Komunikim në Universitetin e Tiranës, Master i Shkencave në Komunikim Ndërkulturor dhe Doktoraturë në Komunikim Masiv pranë Fakultetit Histori-Filologji në Universitetin e Tiranës.

Paja ka punuar si gazetar në shtypin e shkruar në Tiranë për 6 vjet dhe për 7 vite me radhë punoi si Pedagog i Gazetarisë në Universitetin e Elbasanit dhe Shkodrës. Ai ka mbajtur pozicionin e Shefit të Departamentit e Zv.Dekanit në disa universitete private në Tiranë . Më herët ka kontribuar në Shërbimin Kombëtar të Punësimit dhe në Agjencinë e Sigurimit të Cilësisë në Arsimin e Lartë në Tiranë.

Sokol Paja është vatran (VATRA) prej 2 vitesh dhe mban detyrën e Këshilltarit të Mediave e Marrëdhënieve Publike pranë kryetarit të “Vatra” (SHBA), shoqata më e madhe e shiqptarëve të Amerikës.

Aktualisht Paja studion pranë Lehman College në New York për Gazetari dhe Studime Mediatike.