Koka e prerë e Bledar Terpollarit ka kaluar në doganën shqiptare?

Ka informacione kontradiktore në lidhje me kalimin e kokës së riut për në Shqiperi. Thuhet se koka e prerë  e Terpollarit të vrarë në Greqi ka kaluar në çantë në pikën doganore greke dhe shqiptare. Kjo nëse ka ndodhur është një makabritet i tmerrshëm.  A ka kontrolluar policia ne kamerat e pikave kufitare për 28 vjeçarin e arrestuar për bashkëpunim në vrasje?

Të tjera fakte janë zbuluar nga policia greke në lidhje me vrasjen e të riut Bledar Terpollari. 28 vjeçari shqiptar i arrestuar si pjesëmarrës në krim ka deklaruar se ishte detyruar nën kërcënimin e armëve që t’u tregonte autorëve vendin ku ndodhej Terpollari dhe se kishte parë të gjithë skemën e krimit.

Pas vrasjes, 28 vjeçari ka deklaruar se koka e të ndjerit është transportuar në drejtim të Shqipërisë.

Kujtojmë se i riu është varrosur në vendlindje në Përmet, por koka e tij nuk është gjetur ende.TV shtetëror grek ERT raporton se dëshmitari ka thënë se krimi ishte makabër, por ka mohuar që të ketë marrë pjesë.

Sipas tij, koka u transportua për në Shqipëri, sepse kështu kishte qenë urdhri i vrasësve për shkak të mbajtjes së një sasie parash nga i riu, të cilat ishin përfituar nga shitja e lëndëve narkotike.I riu u gjet i vrarë rreth dy javë më parë në një kasolle ku punonte si bari pranë një pronari grek. Pasi është vrarë me armë, i ishte prerë koka.

Nuk do të vonojë dhe do të dalin emra të tjerë që do arrestohen në lidhje me këtë ngjarje makabre.