Tre janë kandidatët për kryetar të PD: Jozefina Topalli, Jorida Tabaku dhe Ilir Alimehmeti

PD-ja humbi përsëri. Sipas statutit të PD-së duhet që kryetari të jap jap dorëheqjen e parevokueshme dhe nuk ka të drejtë të rikandidojë.

Për momentin duket se Berisha po shtyn debatin në PD, me akuzat për manipulim zgjedhjesh nga Rama. Por pyetja shtrohet që përse po shkohet nga humbja në humbje dhe pse u fut në zgjedhje PD-ja me një kandidat për kryeministër që nuk jepte shpresë, pse nuk arritën të nxirrnin votuesit e pjesës gri, kur dihet se pa krijuar besim te kjo shtresë votuesish, nuk e fiton dot PD-ja? Pse nuk u përgatit selia Blu që përpara dhe të bënte jo vetëm protesta të forta, por deri edhe të dhunshme, e të detyronte Ramën të krijonte “qeverinë teknike”. Pse krijoi iluzionin e gabuar se do ti fitojmë zgjedhjet edhe kundër “mafies së Edi Ramës”? Pse deputetët karizmatikë e luftëtarë i mbylli Berisha te lista e sigurtë, pasi nuk punuan ditë-natë, sepse e kishin të sigurtë deputetllëkun për vete?

Tani pas “pilafit” ankohen se “na vodhi”!

Fakti është se Berisha ka humbur. Edhe mosha shkon jo kah vullnetit të tij për të drejtuar një forcë politike konkuruese për të ardhur në pushtet. Edhe mosha bën të veten në politikë.

Brenda selisë së PD kanë filluar të flitet se kush duhet ta drejtojë PD-në, pas ikjes së Berishës. Gazmend Bardhi dhe Tomor Alizoti, dy figura të fuqishme politike në kupolë, duket se pas humbjes katostrofale në qarqet e tyre, nuk ka kanë të drejtë morale kandidimi.

Jozefina Topalli, një figurë karizmatike, e cila ka qenë kryetare parlamenti, nënkryetare e PD, stoike dhe e pa akuzuar nga media e partitë, ajo shikohet si një kandidate potenciale.

Jorida Tabaku, deputete aktuale dhe kandidate për deputete e cila u la jashtë listës së sigurtë nga Berish, bëri supër fushatë. Ajo me votat që mori e vetme, me disa struktura demokrate kundër, arriti të marrë shumë vota, sepse demokratët e thjeshtë e duan si politikane.

Ilir Alimehmeti, mjek i njohur, i shumë pëlqyer nga demokratët, por sidomos nga pjesa gri e elektoratit, tamam një figurë e tillë duhet që PD të vijë në pushtet. Alimehmeti mori shumë vota, pa qenë militant salist, ai mbetet një kandidat që pëlqehet nga të gjithë.

Të dy, Jorida Tabaku dhe Ilir Alimehmeti, bënë fushatë pa lekë, sepse lekët i kishte partia te selia Blu. Ata ecën në këmbë, shpi me shpi, lagje me lagje e kudo nëpër fshatra duke takuar demokratët, por edhe njerëz jo të PD-së. Njerëzit iu dhanë votat se i duan, se kanë besim te ata.

Kjo duhet të jetë PD-ja e së ardhmes ose të rrijnë prapë në opozitë sa të jetë gjallë Edi Rama.