Vasili: Nëse ka përgjime nga Ministria e Brendshme do ketë pasoja të rënda

Kryesore E Mërkurë, 21 Prill 2021 15:06

“Cdo përgjim i paligjshëm është okult dhe qëllimkeq dhe mund të përdoret negativisht, si për qëllime politike, ashtu edhe personale”. Kështu e ka cilësuar kryetari i grupit parlamentar të LSI-së Petrit Vasili, informacionin për egzistencën e mundshme të një përgjuesi që e posedon Ministria e Brendshme.

Gjatë intervistës së zhvilluar në Oktapod të Turjan Hyskajt, Vasili u shpreh se gjithcka mbetet për tu verifikuar, por theksoi se nëse dicka e tillë rezulton e vërtetë, atëherë është një ngjarje shumë e rëndë dhe me pasoja të rënda.

I pyetur për këtë valë konfliktesh institucionale që po shoqëron këtë periudhë, ku përfshihet policia me prokurorinë, apo presidenca me bashkinë e Tiranës, Vasili tha se gjuha e ashpër nuk zgjidh asgjë dhe pasi del jashtë kontrollit, prodhon konflikte të tjera. Lidhur me protestën e organizuar nga kryetari i Bashkisë së Tiranës Erjon Veliaj, përpara Gjykatës, kreu i deputetëve të LSI tha se duhet respektuar Kushtetuta, duke nënkuptuar ndarjen e institucioneve. Sipas tij, tashmë edhe për këtë cështje po heton prokuroria.

Ndërsa lidhur me ndërtimin e Parkut të Lojrave tek Liqeni Artificial, Vasili preferoi të perifrazojë studiuesit e tokave, duke thënë se një tokë e gjelbëruar merr frymë, ndërsa një tokë me beton, është e vdekur. Lidhur me Reformën në Drejtësi, Vasili bërei të ditur se konsensusi ka avancuar dhe patjetër që brenda kësaj legjislature, pra brenda muajit korrik, ajo do të miratohet.