Video ekskluzive/ Momenti kur policia hyri me forcë në Teatër dhe arrestoi artistët

Video më poshtë e siguruar nga “Koha Jonë” tregon momentin kur policia ka hyrë me dhunë për të shembur Teatrin Kombëtar. Për këtë operacion janë përdorur forcat RENEA që si rregull kanë objektiv krimin e organizuar dhe jo artistët, gazetarët apo drejtuesit e opozitës.
Dhuna ndaj artistëve dhe qytetarëve është çnjerëzore dhe e pajustifikueshme në asnjë rrethanë.

Pas gati 3 vitesh protestë dhe rezistencë për mbrotjen e Teatrit Kombëtar nga artistët, intelektualët dhe shoqëria civile, në orët e para të mëngjesit të sotëm ka nisur dhe shembja e kësaj godine.

Forca të shumta të policisë rrethuan zonën duke nxjerrë nga Teatri një pjesë të aktorëve që ishin brenda si dhe kanë ushtruar dhunë edhe ndaj mediave.