Vendimi/Vjosa Osmani, kandidatja e LDK për kryeministre

Siç parashikoi gazeta KOHA JONË që ditën e shtunë, sot u votua Vjosa Osmani si kandidate për Kryeministre nëse LDK fiton zgjedhjet e parakohshme në shtator.

Lidhja Demokratike e Kosovës (LDK) ka vendosur të nominojë Vjosa Osmanin kandidate për kryeministre. Në mbledhjen e kryesisë së LDK-së shkruan Express se tashmë është vendosur që anëtarja e kryesisë, Vjosa Osmani të jetë kandidatja e kësaj partie për kryeministre.

Osmani është e nominuara e parë grua për postin e kryeministres së Kosovës. Ajo në zgjedhjet e 2017-ës ka qenë gruaja më e votuar në Kosovë, me 65 mijë vota dhe ndër politikanët më të votuar në nivel vendi, nga të gjitha subjektet politike. Osmani u bë pjesë e kryesisë së partisë ditë më parë.

Ndërkaq kreu i LDK-së dhe anëtarë të kryesisë së kësaj partie kanë filluar takimet me udhëheqjen e Lëvizjes Vetëvendosje për një koalicion të mundshëm parazgjedhor.

Saktësojmë se shkrimi paralajmërues i KOHA JONË ditën e dielë për Vjosa Osmanin është klikuar nga më shumë se 267 mijë lexues. Vjosa Osmani është diplomuar në SHBA.