Zgjedhjet për Tiranën, Belinda Balluku krah Manastirliut: Nuk e kuptuan kurrë që forca socialiste buron nga bashkimi

Zv/kryeministrja, ministre e Infrastrukturës e Energjisë si dhe drejtuese politike e PS-së për fushatën zgjedhore në Tiranë, Belinda Balluku ka shpërndarë pamjet nga takimi i radhës i skuadrës së PS-së për zgjedhjet bashkiake të Tiranës.

Së bashku me kandidaten Ogerta Manastirliu, ajo shkruan se kjo skudra është “fuqizuar” me bashkimin e deputetëve të PS-së, Taulant Balla, Niko Peleshi, Ulsi Manja, Milva Ekonomi etj.

”Nuk e kuptuan kurrë që forca e socialistëve buron nga bashkimi, angazhimi i palodhur, misioni i secilit për ta parë Shqipërinë gjithmonë e më mirë, gjithmonë e më të fortë. Vetëm përpara, pak hapa larg Europës”,-shkruan Balluku.