Zv/kryeministri Braçe akuzon dhe fyen rëndë, Bashën: Je idiot parapolitik!

Mazhoranca e ka humbur qetësinë. Një ditë pas protestës së opozitës, zv.Kryeministri i Shqipërisë Erion Braçe e ka quajtur “idiotin e Tiranës”, liderin e opozitës Lulzim Basha. Një akuzë shumë e rëndë nga numri dy i qeverisë kundrejt liderit të opozitës, Basha. Deri tani ka patur akuza të ndërsjellta, porse kjo e kësaj të diele nga zv/kryeministrit, mbetet shumë fyese.

Statusi i Erion Braçes:

“Një përpjekje për të kuptuar idiotin e Tiranës!

Përse duhet që një idiot “patriot” duhet të kendojë himnin kombëtar në mënyrë të përsëritur, edhe kur nuk di të kendojë?!

Tregon vendosmëri-është e vetmja përgjigje.

Përse një idiot parapolitik sulmon me dhunë të hyjë në Kuvend-në mënyrë të përsëritur, kur vetëm dy muaj e pak me parë doli vetë, me dëshirë e pa ja kërkuar kush, madje duke e lutur edhe ndërkombetarisht të mos ikte nga aty?!

Tregon vendosmëri-është e vetmja përgjigje.

Dakort, edhe mund të jetë kështu por është vendosmeria e #idiotit ama!

Ndërkohë ka një arëye të fortë të sulmit mbi Kuvendin, në fillim duke synuar delegjitimimin përmes ikjes prej tij, tani duke e sulmuar dhunshëm;

Lufta mbi proceset e Reformes në Drejtesi.

Reforma nuk bllokohet më në Kuvend.

Por dhuna mbi Kuvendin synon bllokimin e proceseve.

Kanë dy vite në këtë luftë, nuk kanë votuar asgjë për tu dhënë shqiptarëve Drejtesi reale për të gjithë.

Asgjë!

Veç luftë kundër saj!